AFRICA– Magluwas sa outbreak sang coronavirus disease 2019 sa bug-os nga kalibutan, pila ka bahin sang Africa ang naga-antos bangud sa sa locust outbreak, isa sa pinakadako nga outbreak nga nasaksihan sang pila ka pungsod sa sulod sang 70 katuig.
Nabutang sa alang-alang kag risgo ang minilyon katawo sa Africa, bangud sa kahalitan nga matuga sini sa mga pananom.
Ginakahangaw-an nga kun magpadayun ang pag-atake sang nasambit nga mga peste ang posible tunaan sang gutom, bangud sa pagkaguba sang mga pananum.
Lakip sa mga lugar nga nagakahangawa sa pagtuhaw sang makahalalit nga peste amo ang dako nga bahin sang Eastern Africa, lakip na ang Kenya, Ethiopia kag South Sudan.
Amat-amat man nga makit-an ang nasambit nga mga peste sa bahin sang Djibouti, Eritrea, Tanzania kag Congo.
