NAIROBI, KENYA– Nagtuga sang stampede ang linibo ka mga pumuluyo sa Nairobi, Kenya, sa paglaum tagsa sa ila ang luyag makakuha sang
Food Aid bangud man sa Coronavirus disease 2019 nga nagpauntat sang ila pagpangita sang palangabuhian.
Ini matapos nakita sang mga residente nga may yara sang ginapanagtag nga food aid kag kalabanan sa ila ang pwersahan nga nagpamilit nga makasulod sa gate sang district office, agud makakuha sang pagkaon para sa ila pamilya.
Halos ang mga pumuluyo nga mga informal workers ang nagakabalaka kun sa diin ang mga ini makuha sang adlaw-adlaw nga pagkaon para sa ila pamilya, bangud man sa pagpatuman sang lockdwon kag curfew.
Madamo nga mga tawo lakip na ang mga kabataan ang nagkalapilasan, ang iban sa ila ang halos indi namakaginhawa kag may yara sang iloy nga nadulaan sang kapid nga anak bangud sa stampede.
