ILOILO CITY – Nagdangat na sa 131 sa 133 ukon 98% ka mga Local Government Unit sa Western Visayas ang nakabaton na sang pondo gikan sa Department of Social Welfare and Development nga pagagamiton para sa Social Amelioration program.
Sa interview sang Bombo Radyo kay Department of Social Welfare and Development Assistant Secretary Rhea Peñaflor, iya ginpahayag nga ang probinsya sang Negros Occidental ang may yara sang pinakadako nga pondo nga nabaton nga nagdangat sa P2,817,696,000 nagapangaduha naman ang probinsya sang Iloilo nga may P2,339,028,000, Guimaras nga may P107,256,000, Capiz, P787,350,000, Antique P375,636,000 kag Aklan nga may P390.336,000
Nahibaluan nga nagdangat na sa P6,817,302,000 ang kabilugan nga pondo ang narelease sa mga Local Government Units sa bilog nga Western Visayas.
