Ginpanginwala sang mga eksperto gikan sa Wuhan Institute of Virology ang balita nga posible sa ila nga pasilidad nagikan ang virus nga nagalapta subong sa bilog nga kalibutan nga amo ang Coronavirus Disease 2019.
Suno sa direktor sang laboratory nga si Dr. Yuan Zhiming, imposible kag indi matuod ang nasambit nga balita.
Sa pagkamatuod suno sa natungdan, isa man sa iya nga staff ang naigo sang COVID-19 ilabi pa nga naglapta na ang pagpanalawsaw sang ila nga institusyon tuhoy sa nasambit nga virus sa nagkalain-lain nga lugar.
Ginaimbestigahan naman sang Estados Unidos ang nasambit nga pasilidad nga may high-security biosafety laboratory ang pandemic nga balatian.
Dugang naman sang natungdan, Enero palang napahibalo na nila sa World Health Organization ang impormasyon may kaangtanan sa pathogen ukon microorganism nga posible magdala sang balatian.
