ILOILO CITY – Ginkasubo ni Guimbal,Iloilo Mayor Oscar ‘Oca’ Garin nga wala nalakip sa Social Amelioration Program sang Department of Social Welfare and Development ang mga barangay officials nga ginalakipan sang punong barangay, barangay kagawad, secretay kag treasurer sa tagsa ka mga barangay.
Sa interview sang Bombo Radyo kay Garin, iya ginpahayag nga nagakadapat lang nga madala ang mga barangay officials sa nasambit nga ayuda bangud isa sila sa mga nagabulig sa mga frontliners agud matapana ang paglapta sang Coronavirus Disease 2019.
Suno kay Garin, nagapati sya nga isa sa mga rason kun ngaa madasig nga nagtahaw ang kaso sang COVID-19 sa ila nga banwa amo bangud man sa bulig sang mga barangay officials sa kada banwa nga nagabulig sa ila nga magpahangop sa pumuluyo sang mga pagsulundan gani nagakadapat lang nga makabaton sila sang ayuda magluwas pa sa ginabaton nila nga honorarium.
