THAILAND- Hugot nga ginapatuman ang curfew sa pungsod Thailand bangud man sa coronavirus disease 2019.
Sa report ni Bombo International Correspondent Cymric Barnuevo direkta sa Thailand, iya ginpahayag nga ang curfew ang nagasugod las 10:00 sa gab-i tubtob las 4:00 sang kaagahun.
Suno kay Barnuevo, mahimo lang nga makagwa ang mga pumuluyo sa tion nga ang mga ini ang magpanindahan kag magbakal sang ila mga stocks.
Pahayag pa niya sa iban nga bahin sang Thailand, ginapatuman ang strikto nga pagsuksok sang facemask sa pampubliko nga lugar lakip na ang social distancing.
Dugang pa sang natungdan may penalidad ang mga madakpan nga wala nagasuksok sang mask samtang ang mga violators naman sang curfew ang may penalidad nga 40,000 bhat ukon masobra sa P60,000 sa philippine money.
