Magapaidalom sa testing ang tanan nga mga kabayo sa southern border sang China agud tsekyaron kun positibo sila sa African horse sickness matapos nga ma-detect ang nasambit nga balatian sa Thailand.
Ang African horse sickness ang nnagpatay sa masobra sa 200 ka mga kabayo sa Thailand kag ini ang ika una nga bes nga nagtuhaw ini sa Southeast Asia.
Ginaapektuhan sang nasambit nga balatian ang mga kabayo kag iban pa nga sahi sang equine nga sapat.
Suno sa Ministry of Agriculture and Rural Affairs sang China dako ang tsansa nga maglapta ang nasambit nga balatian bangud masami ini nga ginadala sang mga insekto.
Kolektahon sang Agriculture Department sang Yunan Province kag Guangzi ang random samples sang mga kabayo kag iban pa nga equine nga mga sapat.
Nahibaluan nga nagsugod na nga mag vaccinate ang Thailand sa masobra sa 4,000 ka mga kabayo sini lang nga lunes kag gin ban na ang pag export kag import sang mga kabayo, zebra kag iban pa nga kaangay nga sapat.
