SAN ENRIQUE, ILOILO– Natigayon na nga mahatag ang cash assistance sa idalom sang Social Amelioration Program sang Department of Social Welfare and Development sa San Enrique, Iloilo.
Sa interview sang Bombo Radyo kay San Enrique Mayor Trixie Fernandez, iya ginpahayag nga napanghatag na ang assistance sa mga benepisyaryo.
Suno kay Fernandez, magluwas sa Social Amelioration Program, napanghatag naman ang Social Pension.
Kaangay sang iban suno kay Fernandez, nakabaton man siya sang mga reklamo bangud sa limitado nga slot sang mga mahimo makakuha sang benepisyo kag ang indi klaro nga guidelines.
Kun tani suno sa natungdan, kun nahitso ang mga pagsulundan sa pagpili sang mga benepisyaryo, mas mangin mahapos, madali kag malinong ang pagpanghatag sang cash assistance.
