ILOILO CITY- Napaidalom na sa Rapid test ang seafarers nga kabahin sang una nga batch nga magapauli sa Iloilo.
Sa interview sang Bombo Radyo kay Mike Junio, isa ka seafarer, iya ginpahayag nga santo sa protocol, kinahanglan nga magpaidalom sa rapid test kag antes makasakay sa barko, kinahanglan nga negatibo ang resulta.
Suno kay Junio, mismo ang mga personnel sang Department of Health kag sang ila agency ang nagpatigayon sang rapid test.
Ginpahayag ni Junio, nga sang pag-abot niya sa Metro Manila sang Marso 23 halin sa Miami, Florida sa Estados Unidos, gilayon siya nga gin-paidalom sa isolation sa isa ka hotel.
Nagpanawagan man ang natungdan sa kasubong nga Overseas Filipino Workers nga sundon ang protocol sang gobyerno agud nga mapadali ang pagpauli sa ila tagsa ka mga lugar.
