ILOILO CITY– Nagapadayun sa gihapon ang contact tracing sa mga nakaclose contact sang Iloilo City Emergency Responder personnel nga nagpositibo sa coronavirus disease 2019.
Sa interview sang Bombo Radyo kay Iloilo City Mayor Jerry Treñas nga tubtob subong nagapadayun ang contact tracing agud maplastar sang maayo ang mga nakaclose contact sang amo nga pasyente.
Suno kay Treñas ,ang nasambit nga pasyente ang wala man nagawa sa ila panimalay, apang may pila ka mga kaupod sa balay ang pasyente nagagwa.
Samtang, ginkumpirma mismo ni Treñas nakapangayo pa sang Medical Certificate sa Jaro Health Station sang Syudad ang katapo sang Bureau of Jail Management and Penology nga nagpositibo sa coronavirus disease 2019.
Suno kay Treñas ang mga katapo sang nasambit nga health station ang ginpaidalom na sa Covid-testing.
