Patay ang isa ka indibidwal kag apat naman ang nasamaran sa nagluntad nga shooting incident sa downtown Washington, United States of America kahapon nga adlaw, Nobyembre 12.
Gilayon naman nga nagresponde ang mga kapulisan sa natabo nga shooting incident.
Base sa ila nga imbestigasyon may isa ka tawo nga nagabarikada sa sulod sang lugar.
Ginmanduan ang mga residente kag mga tawo sa palibot nga maglikaw sa lugar, samtang ang iban ginpaguwa sang mga pulis kag ang iban ginpatinir sa sulod sang ila mga balay.
Suno sa nakakita, nabatian na lamang sini ang mabaskog nga lupok kag nakita ang isa ka tawo nga nagahamyangon na sa salog nga may pilas sa ulo.
Padayon ang operasyon sang kapulisan sa lugar agud mahibaluan ang motibo sa natabo kag masiguro man ang seguridad sang publiko.
