ILOILO CITY– Ginpaidalom na sa lockdown ang hotel nga ginatiniran sang mga Overseas Filipino Workers nga nag-abot sa syudad sang Iloilo.
Ini matapos nga nagpositibo sa Coronavirus Disease 2019 (COVID-19) ang siyam sa mga repatriates sa ginpatigayon nga Rapid test.
Sa interview sang Bombo Radyo kay Iloilo City Mayor Jerry Treñas, iya ginpahayag nga sa siyam ka nagpositibo, 7 ang taga Iloilo City kag 2 naman ang taga Guimaras.
Suno kay Treñas, indi niya mahangpan kun nga-a nagpositibo ang siyam ka OFWs nga una na nga nagnegatibo sa COVID-19 test sa Metro Manila.
Sa pihak sini, ipaidalom pa sa cornfirmatory test ang siyam ka OFWs agud nga makasigurado nga husto ang resulta sang Rapid test.
