ILOILO CITY- Nagapangabay ang mga Overseas Filipino Workers nga na stranded sa Manila nga kuntani mabuligan man sila sa ila sitwasyon didto.
Sa interview sang Bombo Radyo kay Dennis Pineda, isa ka Seafarer nga na stranded sa Manila, iya ginpahayag nga mabudlay ang ila sitwasyon bangud ang iban nga lugar sa Manila, ang indi na magbatun sa ila.
Suno kay Pineda, nagarenta sila sa subong sang kwarto sa is ka Dormitory sa Manila, sa diin, sila mismo ang personal nga nagabayad kag per day ang rate sang sini.
Magluwas diri suno kay Pineda, sila man ang personal nga nagbayad sang P3,500 para sa swab test agud makasiguro kun positibo ukon negatibo sila sa coronavirus disease 2019, bangud indi magbayad para sa testing ang ila manning agency.
Dugang pa sang natungdan, wala sang personnel sang Overseas Workers Welfare Administration nga naga-asikaso sang ila kinahanglanon.
