ILOILO CITY – Ginaduso ni 3rd district Board Member Matt Palabrica sa Sanguniang Panlalawigan nga malakip sa mga makabaton sang ayuda sa idalom sang Social Amelioration Program sang Department of Social Welfare and Development ang roster sang mga benepesaryo sang 4PS.
Suno kay Palabrica, base sa iya pagpanalawsaw natukiban niya nga ang ginabasehan sang Department of Social Welfare and Developmen agud mahambal nga kwalipikado ang isa ka pamilya nga magbaton sang SAP ang base pa sa 2009 nga Social Welfare indicator.
Dugang sang natungdan, base man sa impormasyon nga iya nabaton may yara sang updated nga Social Welfare indicator ang Department of Social Welfare and Development sang 2019 apang wala pa na encode sa computer gani ang sang 2009 nalang ang ila ginabasehan.
Santo man sa pahayag ni Palabrica daw kaangay nga wala nagasanto ang pahayag sang Department of Social Welfare and Development nga ang mga kwalipikado lang nga makabaton amo ang low income families bangud kalabanan sa ila ang miyembro man sang family roster.
Sa subong, ginaduso ni Palabrica sa Sanguniang Panlalawigan ang pagdihon sang resolusyon nga nagahingyo sa Department of Social Welfare and Development nga i-review kag ikonsiderar ang basehan sang mga requirements sa pagtumod sa mga mangin kwalipikado sa nasambit nga ayuda.
