Ginapatun-an subong ni Presidente Rodrigo Duterte sa Department of Justice kun bala legal nga punggan sang gobyerno ang mga Filipino health workers nga magpadulong sa iban nga pungsod.
Suno kay Duterte, masami nga nagapadulong sa luwas sang pungsod ang mga health workers gani sa mga tion kaangay sa subong nabutang sa disbentahe ang Pilipinas bangud sa kakulangan sang manpower.
Dugang sang presidente, ginapatun-an na niya sa Department of Justice kun bala legal nga punggan sang gobyerno ang paghalin sang mga health workers bangud indi man niya luyag nga iresgo ang kahilwayan sang Pilipino sa mga pungsod nga wala sang kasiguraduhan.
Santo sa pahayag ni Duterte, indi niya makaya isipon nga mapadulong sa luwas sang pungsod ang mga Pilipino nga yara sa maayo kondisyon apang kun magapauli na sa Pilipinas nakasulod na sa lungon.
Madumduman nga sang gintalikdan lang nga bulan, ginsupinde na sang Philippine Overseas Employment Administration ang pagpadala sa mga health care worker sa iban nga nga pungsod tubtob nga wala pa na lift ang national state of emergency kag tubtob nga nagapadayon pa ang ginapatuman nga pandemic-related travel restrictions sa iban nga mga pungsod.
