MAASIN, ILOILO-Isa ang patay samtang isa ang pilason sa nagluntad nga shooting incident sa Sitio Sambag, Brgy. Dagami, Maasin, Iloilo.
Ang napatay amo si Regiene Jun Esperidion, 24 anyos sang Sitio Camansi, Brgy. Bolo samtang ang pilason ang ginkilala nga si Dexter John Cordero, 28 anyos sang sitio Sambag, Brgy. Dagami kag ang suspetsado naman ang ginkilala nga si Rene Maderable, legal ang edad kag Citizen Armed Force Geographical Unit (CAFGU) member.
Sa interview sang Bombo Radyo kay Police Major Fernand Limbungan, hepe sang Maasin Municipal Police Station, iya ginpahayag nga may nagluntad nga pagbinaisay sa tunga sang suspek kag sang mga biktima.
Suno kay Limbungan, matapos sang pagbinaisay, didto na nagluntad ang pagpangluthang sang suspek sa mga biktima.
Ginpahayag ni Limbungan nga nakaangkon sang pilas sa nawala nga dughan si Esperidion samtang pilas naman sa nawala nga tiil ang naangkon ni Cordero.
Gilayon nga gindala sa hospital ang duha ka mga biktima apang gindeklarar nga dead on arrival si Espiridion.
Hinubog ang ginatan-aw nga motibo sa krimen.
