Ginpasalamatan ni Department of Health Sec. Francisco Duque ang mga frontliner sang Philippine Navy nga nagdala sang masobra sa 23,000 boxes sang personal protective equipment gikan sa Xiamen, China.
Suno kay Duque, magapabilin naman nga prayoridad sang Department of Health kag sang gobyerno ang kahilwayan sang mga frontliners sa tunga sang away nila batok sa Coronavirus Disease 2019.
Madumduman nga una na nga gin-anunsyo sang Department of Health ang partnership nila sa Confederation of Wearable Exporters of the Philippines kag Department of Trade and Industry nga maga manufacture sang dugang nga 30,000 Personal protective Equipments kada bulan.
Nagpalab-ot man sang pagpasalamat si Duque sa mga pribado nga organisasyon nga nangin kabulig sang gobyerno sa pagpalab-ot sang bulig sang naubos ang suplay sang PPE.
