EUROPE – Ginapreparahan na sa pila ka bahin sang Europa ang amat-amat nga pagbalik sa normal sang mga operasyon bangud sa pagnubo sang kaso sang Coronavirus Disease 2019.
Sa France, nagbukas na ang mga hair salon, book shops kag iban pa apang nagapabilin naman nga sarado ang mga bar, restaurants kag sinehan.
Tunga naman sang Spain ang gintugutan na nga makapatigayon sang mga pagtililipon kag nagbukas naman ang pila ka mga establisyemento.
Natalana naman nga bawion ang pagpatuman sang lockdown sa Belgium, Germany kag Greece.
