KHARTOUM, SUDAN– Tatlo ang patay,79 ang pilason sa pag-ibwal sang kinagamo sa tunga sang duha ka tribo sa pungsod Sudan.
Suno kay Brigade Mahmoud Baker Homd, nag-ibwal ang gamo sa tunga sang Beni Amer kag Nuba Ethnic Group, matapos may yara sang ginpangsunog nga mga balay.
Una na ginpahayag nga sang nakaligad nga bulan sang Enero, nag-ibwal man ang violence sa tunga sang duha ka grupo nga ginkamatay sang walo ka mga tawo kag dinosena ang mga nagkalasamaran.
Nahibaluan nga naghisugot na kuntani ang duha ka grupo sadtong Setyembre 2019,matapos sang pamahog ni Sudan top military leader General Mohamed Hamdan Dagalo, nga pahalinun ang duha ka grupo sa ila pungsod, sa tion nga indi ang mga ini maghisugot.
