ILOILO CITY– Wala pa natapos ang pagpanghatag sang cash assistance sa mga benipesyaryo sang Social Amelioration Program, sa syudad sang Iloilo.
Sa interview sang Bombo Radyo kay Iloilo City Mayor Jerry Treñas, iya ginpahayag nga madamo sang pagpanghangkat rason nga naatrasar ang pagpanghatag sang cash assistance.
Suno kay Treñas, sa inisyal nga report, 79,208 ang mga benipesyaryo sa syudad apang 65,330 pa lang ang nahatagan sang payroll.
Gin-athag man ni Treñas nga indi tanan nga nagabug-os sa 65,330 ang nahatagan sang P6,000 bangud naubusan sang kwarta ang bangko.
Ginabanta nga 20,678 pa ka mga benipesyaryo ang natalana nga hatagan sang payroll kag may kaangtanan diri, nagpabutyag na ang finance committee nga tapuson sa sulod sang duha ka adlaw ang paghatag sang una nga tranche sang Social Amelioration Program.
