NAIROBI, KENYA- Ginsiraduhan sang Kenya ang tanan nga border, agud malikawan ang pagsaka sang numero sang infected sang Coronavirus Disease 2019 (COVID-19).
Suno kay Kenya President Uhuru Kenyatta, temporayo niya nga pasiraduhan ang border kag ang pahanugutan lang nga makasulod amo ang cargo trucks apang kinahanglan nga magpaidalom sa COVID-19 testing ang driver.
Ginpahayag ni Kenyatta nga wala sang movement sang mga tawo kag salakyan paguwa kag pasulod sa Kenya pinaagi sa Kenya-Tanzania international border kag sa border sa Somalia.
Palawigon pa sang 21 ka adlaw ang dusk-to dawn curfew, kag dumili-an man ang paguwa kag pagsulod sang mga pasahero, ilabi na ang naghalin sa pungsod nga tuman naapektuhan sang virus.
