TUBUNGAN, ILOILO- Magapadulong sa talatapan sang Land Transportation Franchising and Regulatory Board ang pinuno sang Tubungan Transport agud magcomply sang nagakaigo nga rekisitos,para sa special permit sa pagbalik byahe.
Sa interview sang Bombo Radyo kay Rommel Tabaosares, Chairman sang Tubungan Transport, iya ginpahayag nga makadto sila sa talatapan sang LTFRB agud hitsuhon ang kulang nga dokumento.
Suno kay Tabaosares, ang kulang nila nga dokumento amo ang certification nga ginaconvert ang ila asosasyon bilang isa ka cooperative.
Pahayag pa niya, indi sila mahimo makabyahe kun indi nila macomply ang certification nga ginapangayo sang LTFRB.
Dugang pa ni Tabaosares , may yara sang 56 ka mga units ang Jeep sa ila banwa kag indi pa ang mga ini makabyahe.
Wala man siya nakahibalo suno sa natungdan, kun may yara sang saka sa pletehan sang mga commuters bangud 50% lang ang capacity sang tagsa ka jeep, bangud wala pa sila sang kopya sang taripa, sa fair adjustment sa probinsya.
