ILOILO CITY- Magahulat ang nagkalain-lain nga Jeepney Association sa syudad sang Iloilo kun san-o mahatagan sang special permit agud makabyahe.
Sa interview sang Bombo Radyo kay Raymundo ‘Boyet’ Parcon, Presidente sang Iloilo City Loop Alliance of Jeepney Operators and Drivers Association, iya ginpahayag nga napasa na nila ang tanan nga requirements sa pagkuha sang special permit sa Land Transportation Franchising and Regulatory Board.
Suno kay Parcon, subong nga adlaw, nakita sang tanan ang dako nga problema sa kakulang sang salakyan bangud madamo ang mga pasahero nga nagbalik sa trabaho.
Ginpahayag ni Parcon nga nagatinguha ang tanan nga operators nga makapasa sang kinahanglanon nga dokumento agud nga makabyahe.
Sa tion nga may special permit na suno sa natungdan, pahat-pahaton ang unit sang jeep sa tagsa ka terminal agud makasakay ang mga pasahero.
