MANILA– Kinahanglan nga sabton sang mga Employers suno sa Department of Labor and Employment, ang gasto sa coronavirus testing, kun ini ang kinahanglanon sang mga empleyado antes magbalik sa trabaho.
Ini matapos nakabatun sang reklamo ang Labor Secretary nga mismo ang mga empleyado, ang kinahanglan magbayad sa ila pagpaidalom sa testing.
Suno kay Department of Labor and Employment Secretary Silvestre Bello III, indi mahimo piliton ang mga empleyado nga magpatest, apang kun kinahanglanon, mismo ang employer ang natalana nga magbayad sini.
Dugang pa ni Bello, wala man ginarequire ang mga kumpaniya nga ipaidalom sa testing ang mga empleyado sa liwat nga pagbalik sang ila operasyon.
Nahibaluan nga nagbalik na sa trabaho ang mga empleyado, matapos naghagan-hagan ang mga restrictions, lakip na ang pagbukas sang mga establisimento nga yara sa Modified Enhanced Community Quarantine,partikular na sa Metro Manila.
