ILOILO CITY- Kinahanglan nga magsunod sa protocol ang 130 ka repatriated Overseas Filipino Workers gikan sa Metro Manila nga nag-abot sa Iloilo subong nga adlaw, Mayo 25 sakay sa eroplano.
Sa interview sang Bombo Radyo kay Iloilo Governor Arthur Defensor Jr., iya ginpahayag nga pagasundon sa gihapon ang COVID-19 testing kag mandatory quarantine.
Suno kay Defensor, dapat sugaton ang repatriates, dal-on sa quarantine facility kag kuhaan sang swab samples.
Kun may yara naman sang magasugat nga repatriates, nagakadapat nga ang Local Government Unit ang magahatag sang salakyan agud idul-ong sa quarantine facility kag ipaidalom sa testing.
Gin-athag man sang gobernador nga ginadumili-an nga magderetso sa pagpauli sa ila tagsa ka mga balay ang nagpauli nga Overseas Filipino Workers.
