ILOILO CITY- Ginpakamala-ot ni Iloilo City Mayor Jerry Treñas ang buluhaton nga ginagamit ang iya pangalan para sa personal nga interes.
Ini ang kasunod sang iya nabaton nga impormasyon nga may nagagamit sang iya pangalan sa pag-order sang pagkaon, pagbakal sang load kag pagpamahog sa mga tag-iya sang commercial establishment.
Sa interview sang Bombo Radyo kay Treñas, iya ginpahayag nga wala niya ginatugutan ang nasambit nga buluhaton
Suno kay Treñas, ang compliance officers sang syudad ang may yara sang uniporme kag identification card agud nga madali nga makilala.
Ginpahayag ni Treñas nga kun may reklamo, ipalab-ot ini direkta sa iya.
