ILOILO CITY- Nadugangan sang 25% ang car pass, sang mga Public Utility Jeepneys nga magabyahe sa syudad sang Iloilo.
Sa interview sang Bombo Radyo kay Raymundo ‘Boyet’ Parcon,Presidente sang Iloilo City Loop Alliance of Jeepney Owners and Drivers Association, iya ginpahayag nga nadugangan ang car passes bangud man nakita sang pamunuan sang syudad nga tuman ka kulang ang mga salakyan nga nagabyahe kag mabudlay para sa mga pasahero.
Suno kay Parcon, ang dugang nga car pass ang igahatag sa iban pa nga ruta, agud makabyahe na ang dugang nga mga jeep sa syudad.
Gin-athag man ni Parcon nga kinahanglan may yara sang special permit, agud liwat nga maka byahe ang iban pa nga ruta sang mga jeep.
Madamo naman suno sa iya sang mga operators kag drivers ang nagapasa sang ila nagakaigo nga papeles agud mahatagan sang special permit.
Sa subong suno kay Parcon, P5,000 na ang ila registration sa kooperatiba
