Nagpaidalom sa Coronavirus Disease 2019 test ang tanan nga empleyado sang Philippine Basketball Association bilang kabahin sang ila pagpanghanda sa pagbalik sang trabaho.
Ini ang kadungan man sa pagpaidalom sa Metro Manila sa General Community Quarantine subong nga adlaw.
Magluwas diri, gindisinfect man ang bug-os nga talatapan sang liga.
Natalana naman nga magsapol ang Philippine Basketball Association Board of Governors subong nga semana agud istoryahan ang mga pagsulundan para sa mga kopunan nga magasugod na liwat sa pag ensayo.
Suno kay PBA Commisioner Wille Marcial, pagasundon sang PBA ang mga pagsulundan nga ginhatag sang gobyerno agud ma tsekyar man ang ikaayong lawas sang ila mga empleyado kag mga atleta.
