ILOILO CITY– Nagsabat na sa ginpagwa nga show cause order sang Land Transportation Office ang isa ka Indian National nga nakabunggo patay sa isa ka radiologic technologist sa Pison Avenue, San Rafael Mandurriao Iloilo City.
Sa interview sang Bombo Radyo kay Riza Otayde, Spokesperson sang Land Transportation Office Region VI, iya ginpahayag nga naghatag na sang sabat sa ila ang Indian National sa ginkaulamiran sini nga aksidente.
Suno kay Otayde, santo sa ginsumite nga sabat ni Gil sa ila, nagpalagyo ini bangud wala siya nakibot siya sa natabo nga pagkabunggo niya sa biktima nga si Henry Jun Jardio.
Pahayag pa ni Otayde, bangud sa iya kakulba nga may nakita siya nga mga tawo nga hana magpatigayun sang rescue, rason nga naisipan man niya ang magpalagyo.
Dugang pa sang natungdan, paga-imbestigaran pa kun bala igarevoke ang lisensya ni Gil, apang sa subong may suspendido ang lisensya sini sa sulod sang tatlo ka bulan.
