ILOILO CITY- Ginakabig nga welcome development sang Philippine Army ang Anti-Terrorism Bill nga ginpasar na sa 3rd and final reading sa Kamara.
Sa interview sang Bombo Radyo kay Major Cenon Pancito III, spokesperson sang 3rd Infantry Division sang Philippine Army, iya ginpahayag nga, welcome development ini para sa ila sa militar.
Suno kay Pancito, dako ang mabulig sang amo nga hagna sa ila trabaho sa pagmentina sang kalinong kag katawhay sa komonidad.
Indi dapat magkahadlok ang mga pumuluyo suno kay Pancito, bangud may yara man snag guidelines sa tion nga ini ang mapasar na kag igapatuman.
Dugang pa sang natungdan, indi man buot hambalon nga kun ginasuspetsahan ang isa ka tawo, gilayun ini nga dakpon, sa baylo, igakonsulta pa ini sa Anti-Terrorism Committee kun yara ang ngalan sang amo nga indibidwal.
