ILOILO CITY – Napasaka na ang kaso nga attempted rape kag attempted murder batok sa isa ka lalaki nga nagtuyo sa paghimo sang malain sa isa ka lady guard sa Brgy. Tabuc Suba, La Paz, Iloilo City.
Ang suspek ang ginkilala nga si Edison Danid, 26, sang Brgy. Aglupacan, Tapaz, Capiz samtang ang biktima naman amo si Arminda Villaruel, 29, sang Brgy. Dacuton, Dumarao, Capiz kag lunsay nagadayon sa Brgy. Tabuc Suba, La Paz.
Sa interview sang Bombo Radyo sa biktima nga si Villaruel, iya ginpahayag nga antes pa man natabo ang insidente, naga inom-inom pa ang suspek kaupod sang ila mga boardmate.
Bangud nga may yara pa siya sang duty pagka-aga, ginpahayag ni Villaruel nga nag-una siya sa pagtulog kag makaligad ang inoras, nakabati siya sang kulas apang wala niya ini ginsapak.
Ulihi na lang niya nabatyagan nga may naglumpat halin sa ibabaw sang kwarto dala kuga kag taya sang kutsilyo sa iya.
Bangud sa kakulba, wala na siya nakahulag tubtub nga nakakita siya sang kahigayunan nga makabato kag nakaguwa sa kwarto.
Ang gin-agyan sang suspek suno kay Villaruel ang alagyan nga yara sa ibabaw sang kwarto sa tion nga may emerhensya.
Nagapati gid ang biktima nga rape ang tuyo sang suspek.
