LA PAZ, ILOILO CITY – Nagabitay na sa sulod sang Comfort Room kag wala na sang kabuhi sang nasapwa ang 22 anyos nga call center agent sa Zone 5, Divinagracia, La Paz, Iloilo City.
Sa interview sang Bombo Radyo kay Police Staff Sergeant Jennifer Espora, imbestigador sang La Paz Police Station, iya ginpahayag nga ang biktima ang tumandok sang Poblacion, Altavas, Aklan kag nagadayon lang sa distrito sang La Paz.
Suno kay Espora, kurtina ukon habol ang gingamit sang biktima sa pagbitay sa bintana sa sulod sang Comfort Room sang ginadayunan nga boarding house.
Ginpahayag ni Espora nga nagtungtong sa monobloc chair ang biktima antes naghikog.
Santo sa pagpangusisa, hipuson nga sahi sang tawo kag wala man sang kontra ang biktima.
