ITALY– Nakabati ka na bala sang istorya sang preso nga nagpromisa nga magabalik sa presohan sa tion nga makapalagyo?
Sa Italy, duha ka preso ang nagsulat sa mga jail guards nga sila ang magabalik sa presohan matapos makapalagyo bangud sa personal nga rason.
Si Davad Zukanovic, 40 anyos kag Lil Ahmetovic, 46 anyos, ang nagpalagyo gikan sa Rebibbia Prison sa Rome, Italy pinaagi sa pag-utod sang duha ka porsyon sang prison cell window, nag-rapel panaog gamit ang fire hydrant hose, nagsaka sa pader kag gin-utod ang barbed wire gamit ang wire cutter.
Makabig naman nga pang holywood movie ang abilidad nga ginpakita sang duha sa ila pagpalagyo.
Suno sa duha, nagpalagyo sila bangud luyag nila salbarun ang ila kabataan gikan sa indi maayo nga buluhaton.
Santo sa sulat nga ginbilin sang duha, magabalik sila kag atubangon kun ano man ang nahimo nga mga sala sa tion nga masolbar na ang problema tuhoy sa ila pamilya.
Santo naman sa Italian Police, may nabilin pa nga fingerprint sa presohan apang nagaduda sila kun magabalik gid man ang duha ka preso.
Sa subong, nagahimo na sang lihok ang Italian police agud makita sanday Zukanovic kag Ahmetovic.
