TUBUNGAN, ILOILO – Ginkumpirma sa Bombo Radyo ni Mayor Roquito Tacsagon nga duha ang patay sa shooting incident sa Brgy. Mayang, Tubungan, Iloilo.
Suno kay Tacsagon, boundary na sang Tubungan kag Leon ang ginluntaran sang insidente.
Indi lang makumpirma sang alkalde ang identity sang sang duha ka ginbawi-an sang kabuhi bangud sa igo sa ulo kun sa diin sa una nga report, nagguwa nga isa ka pulis ang isa sa mga napatay.
Ang duha ka mga biktima ang lunsay nagamaneho sang motorsiklo sang ginluthang sang wala pa makilala nga suspek.
Kun presensya sang rebelde nga grupo, gin-ako sang alkalde nga may 17 ka barangay nga nalakip sa monitoring sang Philippine Army.
Bangud sa kampanya sang Local Government Unit, madamo naman ang nagbalik sa sabak sang gobyerno.
May kaangtanan naman sa pagpatay sang New People’s Army sa isa ka police officer sa Brgy. Teniente Benito, ginpahayag sang alkalde nga isa ini ka isolated case.
Ginpahayag sang alkalde nga nakadepende na sa rebelde nga grupo ang pagpati nga ila teritoryo ang banwa sang Tubungan.
