ILOILO CITY- Nagpasa sang resolution ang Association of Iloilo Provincial Government Employees nga nagahingyo kay Governor Arthur Defensor Jr. nga ipaidalom sa mass testing ang tanan nga empleyado sang kapitolyo.
Nasaad sa resolusyon nga pirmado nanday Maria Celerina Caldera,Secretary, kag Joecil Mayor, Presidente sang asosasyon, nga kinahanglan ang pagpatigayon sang mass testing bangud madamo sa mga empleyado sang provincial government ang nagaserbi nga frontliners kag may regular nga exposure sa madamo nga tawo gani mataas ang risgo para sa covid-19 infections.
Suno naman kay Governor Defensor, indi ini ang prayoridad sang probinsya.
Sa interview sang Bombo Radyo sa gobernador, iya ginpahayag nga santo sa iya ginpagwa nga Executive Order 128-C, prayoridad sang pagpatigayon sang covid-19 test amo ang mga Locally Stranded Individuals kag repatriated Overseas Filipino Workers.
Suno pa sa gobernador, ini agud nga indi na madugangan ang problema sang Western Visayas Medical Center sa diin nahamtang ang testing facility para sa mga swab samples sang ginapaidalom sa real-time reverse transcription polymerase chain reaction (RT-PCR) test.
