ILOILO – Ginapaabot sang Iloilo Provincial Government ang equipment nga ginbakal agud gamiton sa pagpatigayon sang Coronavirus Disease 2019 (COVID-19) test.
Sa interview sang Bombo Radyo kay Iloilo Gov. Arthur Defensor Jr., iya ginpahayag nga ang Reverse Transcription-Polymerase Chain Reaction (RT-PCR) machine ang igahatag kun tani sa Iloilo Provincial Hospital apang bangud nga madamo ang backlogs, ang machine ang igahatag anay sa Western Visayas Medical Center nga amo ang COVID-19 hospital sa rehiyon 6.
Magluwas diri, may yara man sang maga-abot nga Fully-Automated DNA/RNA Extraction Machine, desktop computers kag ventilators nga mahimo magamit sang health workers.
Suno kay Defensor, maga-hire man sang dugang nga health workers ang Iloilo Provincial Government agud nga masulusyunan ang kakulang sa manpower.
Ginpahayag man ni Defensor nga nagapadayon sa subong ang pagtukod sang laboratoryo kag ang upgrading sa Iloilo Provincial Hospital sa banwa sang Pototan.
