Ginpakamalaot ni Quezon City Mayor Joy Belmonte ang shoot-to-kill nga pahayag sang pinuno sang Quezon City Task Force Disiplina batok sa mga lockdown violators.
Matandaan nga nag-post ang anay Quezon City Councilor kag subong Task Force Disiplina chief nga si Rannie Ludovica nga dapat luthangon-patay ang mga magalapas sa mga pagsulundan subong nga ginpaidalom sa modified enhanced community quarantine (MECQ) ang Metro Manila.
Gilayon man nga gindelete ang amo nga post apang madamo na nga mga netizen ang nakascreenshot sini.
Suno naman kay Mayor Belmonte, indi polisiya sa Quezon City ang pagpatay gani sala kag iresponsable ang pahayag ni Ludovica.
Nahibaluan nga lakip si Senator Risa Hontiveros sa mga naakig kay Ludovica bangud sa iya statement.
Una na nga ginpahayag ni Sen. Hontiveros nga tinguhaa niya nga pasabton ang anay konsehal bangud sang violence batok sa mga civilians nga indi nagakaigu para sa isa ka public official.
