Handa na ang Public Safety and Transportation Management Office (PSTMO) sa pagpatuman sang mga multa sa mga magalapas sa safety guidelines nga ginmandu ni Iloilo City Mayor Jerry Treñas.
Sa Executive Order 113 sang alkalde, nakasaad ang:
– 10:00 sa gab-i tubtob 4:00 sa kaagahon nga curfew;
– pagpatuman sang work from home arrangement para sa 55 anyos kag pataas nga mga tigulang nga nagatrabaho sa pampubliko ukon pribado nga sektor;
– Movement restriction sa mga naga edad 70 anyos kag pataas kag 21 anyos panubo; kag
– Liquor ban
Ang amo nga safety guidelines ang epektibo Agosto 4 tubtob 18 apang depende pa kun ini ang palawigon.
Sa interview sang Bombo Radyo kay Jeck Conlu, pinuno sang PSTMO, iya ginpahayag nga seryosohon sang talatapan kag sang compliance team ang pagpanakop agud nga indi na magsulit-sulit sa pagpasaway ang mga tawo.
Para sa mga violators sa curfew, ipatuman liwat ang pagpalantaw sang film show para sa COVID-19.
Ginpataasan naman ang penalidad kun sa diin:
1st offense – P1,000 kag 3 ka adlaw nga community service
2nd offense – P2,000 kag 4 ka adlaw nga community service
3rd offense kag succeeding offenses – P3000 kag isa ka semana nga community service.
