SAN JOAQUIN, ILOILO – Posible nga sa Iloilo Terminal Market sa syudad sang Iloilo na-infect sang COVID-19 ang isa ka barangay official sa banwa sang San Joaquin, Iloilo.
Ang amo nga COVID-19 positive ang isa ka babayi kag yara narecord sa bulletin sang Department of Health Region 6 sang nagligad nga Agosto 6.
Sa interview sang Bombo Radyo kay Atty. Leo Satana, municipal administrator sang San Joaquin, iya ginpahayag nga makaduha ka beses (Martes kag Sabado) nagapadulong sa Iloilo Terminal Market ang amo nga babayi bangud nagapangumpra ini para sa iya gamay nga negosyo.
Magluwas diri, wala na sang makit-an nga iban pa nga rason ang local government unit sang San Joaquin bangud wala man naka-close contact ang pasyente sa iban nga COVID-19 positive sa banwa sang San Joaquin.
Magluwas diri, wala man sang local transmission sang virus sa amo nga lugar.
Sa subong, naka-facility quarantine ang pasyente kag asymptomatic.
18 ang ginakabig high-risk contacts nga amo ang ipaidalom sa swab test sa Lunes, Agosto 10 samtang nagapadayon man ang contact tracing para sa low risk kag moderate risk nga contacts.
