ILOILO CITY – Dapat nga sundon ang 14 ka adlaw nga mandatory quarantine kun ang isa ka tawo ang nagpaidalom sa reverse transcription polymerase chain reaction (RT-PCR) test para sa coronavirus disease 2019 (2019).
Ini ang pahayag ni Dr. Marie Jocelyn Te matapos mabaton ang impormasyon nga may yara sang isa ka nurse nga residente sang probinsya sang Guimaras kag nagatrabaho sa idalom sang Department of Health (DOH) Region 6 nga wala nagtuman sang protocol.
Sa inisyal nga impormasyon, nagpaidalom sa swab test ang amo nga nurse apang nagbalik man sa trabaho pagkasunod nga adlaw.
Sa interview sang Bombo Radyo kay Dr. Te, iya ginpahayag nga iga-verify pa nila ang amo nga impormasyon apang kun matuod ini, may dapat sabton ang ginatumod nga nurse kag dapat gid pasundon sa nagakaigu nga quarantine.
Sa bahin sang DOH Region 6, wala sang ginapatigayon nga test sa mga personnel magluwas lang sa mga may ara sang sintomas sang COVID-19 gani hibaluon pa kun ngaa kag kun diin nagpakuha sang swab sample ang amo nga nurse.
