DUMANGAS, ILOILO – Nagabitay na sa balayan sang balay sang nasapwan ang 18 anyos nga dalagita sa Brgy. Dacutan, Dumangas, Iloilo.
Sa interview sang Bombo Radyo kay Punong Barangay Stephen James Foerster sang nasambit nga lugar, iya ginpahayag nga ini na ang ika-duha nga suicide incident sa ila barangay subong nga bulan sang Agosto.
Suno kay Foerster, indi man lang liwan sa iya ang dalagita kun sa diin antes pa man ang insidente, wala gid nakitaan sang palatandaan nga may problema ang biktima.
Ginpahayag ni Foerster nga santo sa imbestigasyon, ginsugo pa sang biktima ang iya duha ka manghod nga magpauli sa isa nila ka balay sa nasambit man nga barangay apang bangud sa kahangawa sang iloy, iya ginsugo ang duha ka anak nga magbalik sa ila payag bangud nga naga-isahanon ang ila magulang.
Sang nakabalik na ang duha ka manghod, nakita na lang nila nga nagabitay na sa balayan ang biktima gamit ang paha.
Ginapahayag nga problema sa paghigugma ang rason sa paghikog sang biktima.
Gindala pa sa hospital ang biktima apang wala na matabangan pa.
