USA – Karma is real!
Isa ka kawatan sa Estados Unidos ang diutayan lang nga mapatay matapos ginsulod ang isa ka Pizza store sa Michigan sa Estados Unidos.
Nakabaton sang report ang Oakland County Sheriff’s Office nga may yara sang na-trap sa oven exhaust vent sa isa ka Pizza store.
Bangud sini, gilayon nga nagresponde ang mga otoridad agud luwason ang 32 anyos nga lalaki nga na-trap sa sulod sang 11 ka oras.
Natukiban sang otoridad nga indi lamang isa ka simple nga emergency response ang ila ginhimo kundi santo sa imbestigasyon, ang lalaki ang na-trap sa sulod sang oven exhaust vent bangud sa iya tuyo nga magpangawat.
Santo sa imbestigasyon, gintuyo sang suspek nga magsulod sa building paagi sa rooftop exhaust vent apang sa wala ginlauman, ang nasambit nga vent ang konektado sa oven nga ginalutu-an sang pizza.
Bangud sa nasambit nga near-death experience, gindala sa hospital ang suspek bangud sa minor injuries kag dehydration.
Natukiban man nga magluwas sa nasambit nga insidente, naulamid man sa illegal drugs kag sa home invasion ang nasambit nga suspek.
