Ginapatuman na subong ang isa ka ordinansa kontra sa mga tsismosa sa Barangay Landan sa Polomolok, South Cotabato.
Si Barangay Kagawad Joey Salazar Minggito ang utok sang Barangay Ordinance No. 8, Series of 2026, nga nagatuyo protektahan ang mga residente batok sa tsismis.
Sang nagligad naman nga Hulyo 10, 2026 sang gin-aprubahan sang Sangguniang Bayan sang Polomolok ang ordinansa nga gintawag Anti-Gossip Ordinance.
Sa idalom sang ordinansa, ang sin-o man nga mapamatud-an nga tsismosa, multahan sang ₱1,000 sa una nga violation kag ₱1,500 para sa masunod nga violation.
Nagapati naman ang mga pumuluyo nga paagi sini, mapabaskog ang pagsalig kag respeto sa komunidad.
Maengganyo man ang mga residente nga ipaagi sa husto nga komunikasyon ang ila mga hibubun-ot ukon reklamo kag indi magpalapta sang tsismis.
