ILOILO – Ginahandaan na sang Iloilo City Government ang pag-abot sang mga locally stranded individuals (LSIs) kag returning overseas Filipinos (ROFs) sa syudad.
Sa interview sang Bombo Radyo kay Iloilo City Mayor Jerry Treñas, iya ginpahayag nga maga-expire na ang moratorium para sa nasambit nga mga repatriates.
Wala sang problema para sa mga ROFs suno sa alkalde bangud ginatatap sila sang Overseas Workers Welfare Administration (OWWA).
Sa subong suno kay Treñas, ginapreparahan sang syudad ang ilistaran sang mga LSIs kag ang ila sarang makaon.
Base sa inisyal nga impormasyon sang natungdan, may maabot nga LSIs sa Agosto 22 apang indi pa matumod kun pila ang mga ini ka bilog.
