ILOILO – Nagdangat na sa 19 ang kabug-usan nga numero sang coronavirus disease 2019 (COVID-19) cases sa National Irrigation Administration (NIA) Region VI.
Sa sini nga numero, 17 ang active cases kag duha ang naka-recover.
Sa interview sang Bombo Radyo kay Steve Cordero, designated spokesperson sang talatapan, iya ginpahayag nga lunsay asymptomatic ang mga nagpositibo kag lunsay napaidalom sa quarantine.
Ang duha ka recoveries ang nakatapos na sang mandatory quarantine.
Nagpasalig ang natungdan nga responsable ang nasambit nga talatapan sa pagpatigayon sang contact tracing. Tanan nga naka-close contact sang mga nagpositibo ang ginpaidalom sa quarantine kag swab test.
Wala pa ginbalik ang normal nga operasyon sang regional office compound sang NIA; naga-work from home ang mga personnel apang wala sang face-to-face nga transaksyon.
