Nagpaandam ang Department of Health sa mga pasyente nga nagpositibo anay sa COVID-19 nga indi magpakampante apisar naka-recover na sila sa balatian.
Ini ang ginpahayag sang ahensya matapos naka-record ang Hong Kong sang case of reinfection kun sa diin isa ka 33 anyos nga residente ang nagpositibo liwat sa COVID-19 matapos ang apat ka bulan nga nag-ayo na ini.
Suno sa mga researchers sa Hongkong, ini ang labing-una nga COVID-19 reinfection sa bilog nga kalibutan, rason nga madamo ang nagduda sa durability sang immunity.
Suno sa Department of Health, indi pa maverify ini nga report kag mismo ang World Health Organization ang nagpahayag nga kulang ang data may kaangtanan sa post-infection immunity.
Bangud sini, nag-apelar ang ahensya nga indi anay mag-relax kag padayon lang nga tumanon ang minimum health standards kaangay sang pagsuksok sang face mask, paghugas sang kamot, kag pagsunod sa physical distancing.
