JANIUAY, ILOILO – Isa ka suldado ang kumpirmado nga pilason matapos naka-engkwntro ang mga miyembro sang New People’s Army subong nga adlaw, Agosto 28 sa Sitio Tinuri-an, Brgy. Aglobong, Janiuay, Iloilo.
Sa interview sang Bombo Radyo kay Major Cenon Pancito III, spokesperson sang 3rd Infanty Division sang Philippine Army, iya ginpahayag nga nakaangkon sang daplis sa ulo ang suldado kag gindala na sa pinakamalapit nga hospital.
Suno kay Pancito, naka-engkwentro sang militar ang ginabanta 20 ka katapo sang SYP Baloy Suyak Platoon Central Front Kilusan Rehiyon Panay.
Sa subong, padayon pa ang pursuit operation sang militar agud masigurado nga hilway na gikan sa presensya sang mga rebelde ang nasambit nga lugar.
