DUEÑAS, ILOILO – Temporaryo nga ginsirado ang Municipal Health Office sang Dueñas, Iloilo umpisa Oktubre 5 matapos nga nakabatyag sang sintomas sang COVID-19 ang isa ka health staff.
Santo sa abiso sang Dueñas Municipal Health Office, ang nasambit nga health staff ang gin-quarantine kag ginkuhaan sang swab sample para sa COVID-19 test.
Samtang ginahulat ang RT-PCR test result, ang high risk close contacts sang nasambit nga health staff ang naka-isolate sa quarantine facility samtang ang iban naman nga staff sang Municipal Health Office ang naka-quarantine naman.
Apisar sini, magapadayon ang paghatag sang serbisyo sang Municipal Health Office kag agud nga maka-avail, mahimo lamang nga makapadala sang mensahe sa Facebook page.
Ang telemedicine sang mga doktor ang gintalana sa 9:00am-11:00am kag 1:00pm-3:00pm.
Mangin available naman ang ambulance kag ang Municipal Quarantine Facility sang banwa.
