ILOILO CITY-Magadonar si Vice President Leni Robredo sang test kits nga nagabalor sang masobra P5M para sa Syudad sang Iloilo.
Sa interview sang Bombo Radyo kay Iloilo City Mayor Jerry Treñas, iya ginpahayag nga ang nasambit nga donasyon ang ginabug-usan sang 3,000 test kits.
Suno kay Mayor Treñas, dako nga bulig ini sa padayon nga pagpatigayon sang syudad sang mass testing bilang kabahin sang pagbato sa COVID-19.
Ginpabugal naman sang alkalde ang padayon nga testing sa pumuluyo sang syudad agud mahapos ang detection kag isolation sang mga infected sang virus.
