May mga bagay nga bisan kita mag tigulang na, indi naton malipatan.
Ang kadam-an indi gid malipatan ang crush, ang abyan, ang pinalangga nga pamilya kag labi na ang kaugalingon.
Apang nakahibalo ka bala nga may yara isa ka tawo nga sa tanan nga iya malipatan, kaugalingon pa nga nawong ang indi niya makilal-an?
Ini amo si Lena Ash, 29, isa ka Russian nga nagasuprer sang “prosopagnosia” ukon ang face blindness.
Ang prosopagnosia isa ka pinasahi nga sahi sang masakit nga ginatunaan sang imposible nga pagkilala sa mga nawong lakip na ang kaugalingon.
Suno kay Ash, bisan sang gamay palang siya problema na nga makabig para sa iya ang paghangop sang nawong sa mga tawo sa palibot niya.
Bisan ang mga neurologist sang natungdan, indi makahangop sang iya masakit.
